Сайт создан по благословению Высокопреосвященнейшего Пантелеимона,
митрополита Ярославского и Ростовского
 

Ватопедская икона Богоматери. Тропарь. Кондак. Молитва. Акафист

3 февраля (21 января) Ватопедской иконы Пресвятой Богородицы, именуемой «Отрада» или «Утешение» (807)
Чудотворная Ватопедская икона Богоматери – келейная икона святителя Димитрия Ростовского, принесенная в обитель в день его погребения и ставшая одной из наиболее почитаемых святынь Спасо-Яковлевского монастыря

Тропарь Ватопедской иконе Богоматери, глас 4

Яко покров благодатный и спасительный / стяжахом честную Твою икону, Богородице, / на сию бо со умилением взирающе, Тебе вопием: / Владычице, ниспосли нам отраду и утешение, / на Тя бо упование возлагаем, грешнии и смиреннии. / На Твое предстательство надеемся, недостойнии. / Ускори нас избавити от бед и скорбей / и умоли Сына Твоего, Христа Бога нашего, // помиловати и спасти души наша.

Кондак Богородице, глас 8

Взбранной Воеводе победительная, / яко избавльшеся от злых, / благодарственная восписуем Ти, раби Твои, Богородице; / но яко имущая державу непобедимую, / от всяких нас бед свободи, да зовем Ти: // радуйся, Невесто Неневестная.

Ватопедская икона БогоматериМолитва

Надеждо всем концем земли, Пречистая Дево Богородице, Утешение и Отрадо наше! Не гнушайся нас грешных, на Твою бо милость уповаем. Угаси пламень греховный и покаянием ороси изсохшие сердца наша. Очисти ум наш от греховных помышлений. Приими моления от души и сердца с воздыханием Тебе приносимыя. Буди Ходатаице о нас к Сыну Твоему и Богу и отврати гнев Его от нас Матерними молитвами. Укрепи в нас веру православную, вложи в нас дух страха Божия, дух смирения, терпения и любви. Душевныя и телесныя язвы исцели, утиши бурю злых нападений вражеских. Отыми бремя грехов наших и не остави нас до конца погибнути. Подаждь нам милость Твою и святое благословение Свое всем зде предстоящим и молящимся и всегда пребывай с нами, подавая приходящим к Тебе отраду и утешение, помощь и заступление, да славим и величаем Тя вси до последняго нашего воздыхания. Аминь.

Величание

Величаем Тя, / Пресвятая Дево, / Богоизбранная Отроковице, / и чтим Образ Твой святый, / имже точиши исцеления // всем с верою притекающим.