Сайт создан по благословению Высокопреосвященнейшего Пантелеимона,
митрополита Ярославского и Ростовского
 

Толгской иконы Пресвятой Богородицы

Толгская икона Пресвятой Богородицы21 августа (8 августа)Толгской иконы Пресвятой Богородицы (1314)

Храм Толгской иконы Богоматери был устроен епископом Иосифом в 1909 г. в юго-восточной башне монастырской как домовая церковь при настоятельских покоях.

Тропарь, глас 4-й

Днесь светло сияет на Толге образ Твой, Пречистая Дево Богородице, и, яко солнце незаходимое, всегда верным подадеся, Егоже видев на воздусе, невидимо Ангелы, яко никим держима, преосвященный епископ града Ростова Трифон тече ко явленному светящемуся столпу огненну, и по водам, яко по суху, прейде, и молящеся Ти верно о пастве и о людех. И мы, к Тебе притекающе, зовем: Пресвятая Дево Богородице, верно Тя славящих спасай, страну нашу, архиереев и вся Российские народы от всех бед избавляй по велицей Твоей милости.

Кондак, глас 8

Чудное и богоприятное светоноснаго зрака Твоего явление, Пречистая Дево,/ с верою взирающим бывает известное чаяние спасения,/ столпом бо огненным являющи предстательство,/ неусыпное и теплое за ны к Богу возсылаеши моление,/ имже страну Российскую от всяких бед избави, молимся,/ да радостными усты вопием Ти вси:/ радуйся, Предводительнице вечнаго блаженства.

Молитва

Надеждо всем концем земли, Пречистая Дево, Госпоже Богородице, Утешение мое! Не гнушайся мене, грешнаго, на Твою бо милость уповаю: угаси ми пламень греховный и покаянием ороси изсохшее мое сердце, почисти ум мой от греховных помыслов, прими мольбу от души и сердца, с воздыханием приносимую Тебе; буди о мне ходатаица к Сыну Твоему и Богу, и укроти гнев Его матерними Твоими молитвами; душевные и телесные язвы исцели, Госпоже Владычице, утиши бурю злых нападений вражеских, отъими бремя грехов моих, и не остави мене до конца погибнути, и печалию сокрушенное сердце мое утеши, да славлю Тя до последнего издыхания моего. Аминь